កាតឥណពន្ធវីសា
លោកអ្នកអាចចំណាយប្រាក់នៅគ្រប់ពេលវេលា និងគ្រប់ទីកន្លែងដែលមានស្លាកសញ្ញាវីសា។
ធនាគារ J Trust Royal បានចាប់ដៃគូជាមួយ Visa ដើម្បីផ្ដល់ជូនអតិថិជននូវកាតឥណពន្ធដែលមានភាពងាយស្រួល និងសុវត្ថិភាពដែលភ្ជាប់ ទៅនឹងគណនីប្រតិបត្តិការធនាគារ J Trust Royal។
ជម្រើសប័ណ្ណឥណពន្ធ សម្រាប់លោកអ្នក
ធនាគារយើងខ្ញុំមានសេចក្តីសោមនស្សជម្រាបជូនថា លោកអ្នកអាចជ្រើសរើសប័ណ្ណឥណពន្ធ ដូចខាងក្រោម៖
លក្ខណៈពិសេស និងអត្ថប្រយោជន៍
ការទិញទំនិញដែលមានភាពសាមញ្ញ
កាតឥណពន្ធវីសាផ្ដល់ជូនភាពងាយស្រួលគ្រប់យ៉ាងជាប្រភេទកាតឥណទានសម្រាប់ការទិញទំនិញក្នុងស្រុក ក្រៅស្រុក និងតាមអ៊ីនធឺណែត ហើយកាត់ចេញពីសមតុល្យដែលមានក្នុងគណនីរបស់លោកអ្នកតាមចំនួនដែលបានទិញនោះ។ គណនីធនាគាររបស់លោកអ្នកត្រូវកាត់ប្រាក់ចេញនៅថ្ងៃដដែលនោះ នៅពេលដែលលោកអ្នកធ្វើការទិញទំនិញ ដោយធានាបាននូវការគ្រប់គ្រងកាន់តែល្អប្រសើរទៅលើប្រាក់របស់លោកអ្នក និងមិនចំណាយលើសសមតុល្យដែលមាននៅក្នុងគណនីរបស់លោកអ្នក។
ការចំណាយកាន់តែមានសុវត្ថិភាព
កាតឥណពន្ធវិសារក្សាប្រាក់របស់លោកអ្នកឱ្យមានសុវត្ថិភាពតាមវិធីជាច្រើន។ មិនត្រឹមតែលោកអ្នកអាចយកប្រាក់តាមខ្លួនតិចប៉ុណ្ណោះទេ ហើយថែមទាំងលោកអ្នកអាចធ្វើប្រតិបត្តិការកាតនោះបានយ៉ាងមានសុវត្ថិភាពដោយសារមានបន្ទះឈីបវ័យឆ្លាត EMV (Europay, Mastercard, Visa) បង្កប់នៅក្នុងកាតនោះដែលមានស្តង់ដារកម្រិតពិភពលោកសម្រាប់ប្រតិបត្តិការកាតមានឈីប។ នៅពេលលោកអ្នកត្រូវការសាច់ប្រាក់ប្រើប្រាស់ កាតរបស់លោកអ្នកអាចធ្វើជាកាត ATM ដោយឱ្យលោកអ្នកអាចដកប្រាក់តាមទូម៉ាស៊ីន ATM ដែលមានស្លាកសញ្ញា Visa និង PLUS បានជាង 2 លានកន្លែងទូទាំងពិភពលោក។
សំណួរដែលសួរញឹកញាប់
កាតឥណពន្ធវីសា Classic ធនាគារ J Trust Royal គឺជាកាតឥណពន្ធស្តង់ដារសម្រាប់គណនីប្រតិបត្តិការប្រចាំថ្ងៃ។ កាតនេះផ្ដល់ជូនអតិថិជននូវភាពងាយស្រួលក្នុងការដកប្រាក់តាមបណ្ដាញដែលមានស្លាកសញ្ញា Visa នៅទូទាំងពិភពលោក ហើយលោកអ្នកក៏អាចធ្វើការទិញទំនិញតាមអ៊ីនធឺណែត នៅក្នុងស្រុក ក្រៅស្រុក ឬតាមទូរស័ព្ទដោយកាត់ចេញពីសមតុល្យដែលលោកអ្នកមាននៅក្នុងគណនី។ ដោយដឹងថាលោកអ្នកកំពុងធ្វើការចំណាយប្រាក់ដោយផ្ទាល់ចេញពីគណនីប្រតិបត្តិការរបស់ខ្លួន ទើបធនាគារផ្ដល់ជូនអតិថិជននូវជម្រើសក្នុងការគ្រប់គ្រងប្រាក់បានយ៉ាងល្អប្រសើរទៅលើការចំណាយរបស់ខ្លួន។
កាតឥណពន្ធវីសា Classic ធនាគារ J Trust Royal សម្រាប់អតិថិជនដែលមានគណនីដូចខាងក្រោម៖
- គណនី The ONE
- គណនីមូលប្បទានប័ត្រផ្ទាល់ខ្លួន
កាតឥណពន្ធវីសា Premier ធនាគារ J Trust Royal មានប្រើសម្រាប់អតិថិជនដែលមានគណនី Premier។
កាតឥណពន្ធវីសា Classic ធនាគារ J Trust Royal ប្រើបាន៖
- ធ្វើប្រតិបត្តិការយ៉ាងមានសុវត្ថិភាពនៅតាមហាងដែលមានស្លាកសញ្ញា Visa នៅទូទាំងពិភពលោក រួមទាំងក្នុងប្រទេសផងដែរ បញ្ជារទិញទំនិញអនឡាញ តាមទូរស័ព្ទ និង ទូរសារ
- ដកប្រាក់នៅតាមម៉ាស៊ីន ATM ដែលមានស្លាកសញ្ញា Visa និង PLUS នៅទូទាំងពិភពលោក (ទូម៉ាស៊ីន ATM ធនាគារ J Trust Royal គឺជាផ្នែកមួយនៃបណ្ដាញទូម៉ាស៊ីន PLUS ATM)។
ចំនួនដែលធ្វើប្រតិបត្តិការនឹងត្រូវកាត់ចេញដោយផ្ទាល់ពីគណនីរបស់លោកអ្នកដែលភ្ជាប់ជាមួយកាតនោះក្នុងថ្ងៃដដែល ធ្វើប្រតិបត្តិការ។
កាតឥណពន្ធវីសា Classic ធនាគារ J Trust Royal មានសុវត្ថិភាពជាច្រើនមានដូចជា៖ :
- បង្កប់ប្រព័ន្ធ EMV-Dynamic ផ្ទៀងផ្ទាត់ទិន្នន័យជាមួយ Smart Chip ដែលផ្ដល់សុវត្ថិភាពកម្រិតស្តង់ដារពិភពលោក
- ប្រព័ន្ធត្រួតពិនិត្យតាមដានការក្លែងបន្លំជាប្រចាំដើម្បីកំណត់សកម្មភាពដែលគួរឱ្យសង្ស័យ និងជួយទប់ស្កាត់ប្រតិបត្តិការដែលមិនមានការអនុញ្ញាត។
- ជម្រើសបិទកាតរបស់លោកអ្នកជាអចិន្រ្តៃយ៍ ឬបិទជាបណ្ដោះអាសន្ន នៅពេលដែលលោកអ្នកជូនដំណឹងមកកាន់ធនាគារភ្លាមៗក្នុងករណីដែលកាតត្រូវគេលួច បាត់បង់ ឬបាត់ពីកន្លែងដែលទុក និង
- កាតថ្មី និងកាតជំនួស ត្រូវបានផ្ដល់ជូនក្នុងលក្ខខណ្ឌផ្អាកការប្រើប្រាស់ជាបណ្តោះអាសន្ន ប៉ុន្តែដើម្បីការពារមិនឱ្យមានហានិភ័យនៃប្រតិបត្តិការដែលមិនមានការអនុញ្ញាតតាមរយៈហត្ថលេខា។ លោកអ្នកអាចដំណើរការប្រើប្រាស់កាតបានយ៉ាងងាយស្រួល និងភ្លាមៗដោយគ្រាន់តែទូរស័ព្ទមកផ្នែកសេវាអតិថិជនតាមទូរស័ព្ទ លេខ៖+855 23 999 000។
សូមជូនដំណឹងមកកាន់ធនាគារភ្លាមតាមរយៈផ្នែកសេវាអតិថិជនតាមទូរស័ព្ទ លេខ +855 23 999 000 ។ ដែលរង់ចាំទទួលការឆ្លើយតប 24 ម៉ោង។
កម្រិតការចំណាយប្រចាំថ្ងៃរបស់លោកអ្នកគឺយោងតាមសមតុល្យទឹកប្រាក់ដែលមាននៅក្នុងគណនីដែលលោកអ្នកបានភ្ជាប់ ឬដកនៅតាមម៉ាស៊ីន ATM របស់ធនាគារ J Trust Royal រហូតដល់ 2,000 ដុល្លារអមេរិក និង 9,999 ដុល្លារអាមេរិកសម្រាប់ប្រតិបត្តិការតាមប្រព័ន្ធអេឡិចត្រូនិកសម្រាប់អតិថិជនទូទៅរបស់ធនាគារ។
ប្រសិនបើចាំបាច់ លោកអ្នកអាចធ្វើការពិភាក្សាជាមួយយើងខ្ញុំអំពីលទ្ធភាពនៃការបង្កើន ឬបន្ថយការកម្រិតចំនួនកំណត់នៃការចំណាយរបស់លោកអ្នក។ សូមទំនាក់ទំនងមកកាន់ធនាគារ ប្រសិនបើលោកអ្នកមានតម្រូវការ។
គ្មានទេ! ធនាគារនឹងចេញកាតថ្មីជូនដូចទៅនឹងការកំណត់លំនាំដើម (default settings) លុះត្រាតែលោកអ្នកបានបញ្ជាក់នៅពេលដែលស្នើសុំកាតថ្មី។ សូមមើលសំណួរមុនៗសម្រាប់ជាការកំណត់លំនាំដើមដើម ឬសូមទំនាក់ទំនងមកកាន់ធនាគារ ប្រសិនបើលោកអ្នកមានតម្រូវការ។
របៀបដាក់ពាក្យស្នើសុំ
| ជំហានទី 1 | ទៅកាន់សាខាធនាគារ J Trust Royal ដែលនៅជិតលោកអ្នកបំផុតបុគ្គលិកធនាគារដែលមានភាពរួសរាយរាក់ទាក់នឹងរង់ចាំលោកអ្នកនៅទីនោះ។ |
| ជំហានទី 2 | បំពេញពាក្យស្នើសុំបើកគណនីនៅតាមសាខាធនាគារ J Trust Royal។ |
| ជំហានទី 3 | បំពេញពាក្យស្នើសុំដោយមានជំនួយពីបុគ្គលិកប្រកបដោយភាពរួសរាយរាក់ទាក់របស់យើង។ |
| ជំហានទី 4 | បង្ហាញ ឯកសារសម្គាល់ខ្លួនដែលមានសុពលភាព៖ អត្តសញ្ញាណប័ណ្ណ ឬលិខិតឆ្លងដែនរបស់លោកអ្នក។* |
| ជំហានទី 5 | បន្ទាប់មក លោកអ្នកអាចមកទទួលកាតឥណពន្ធវីសាពីសាខាដែលលោកអ្នកបានបើកគណនីនោះ។ |
*អតិថិជនបរទេសត្រូវបង្ហាញឯកសារបញ្ជាក់អត្តសញ្ញាណបន្ថែម៖ លិខិតឆ្លងដែនជាមួយនឹងទិដ្ឋាការដែលមានសុពលភាពយ៉ាងតិចប្រាំមួយខែ។
សម្រាប់ជាឯកសារយោងរបស់លោកអ្នក
ទោះបីមានឯកសារទាំងអស់ត្រូវបានបំពេញនៅតាមសាខាយើងខ្ញុំក៏ដោយ ក៏យើងដឹងផងដែរថា វាមានប្រយោជន៍ដែលគួរដឹងពីអ្វីដែលរំពឹងទុកនោះមុនពេលលោកអ្នកអញ្ជើញមកដល់។ នេះគឺជាពាក្យស្នើសុំស្នើសុំ និងឯកសារពាក់ព័ន្ធផ្សេងទៀតដែលត្រូវប្រើដើម្បីស្នើសុំកាតឥណពន្ធវីសារ។ លោកអ្នកមិនចាំបាច់បំពេញពាក្យស្នើសុំស្នើសុំមុនពេលោកអ្នកអញ្ជើញមកដល់ទេ - បុគ្គលិកមានភាពរួសរាយរាក់ទាក់របស់យើងនៅរង់ចាំជួយលោកអ្នកនៅទីនោះជាស្រេច។
ពាក្យស្នើសុំ និងឯកសារសំខាន់ៗ
ទូរស័ព្ទមកយើងខ្ញុំ
ផ្នែកសេវាអតិថិជន តាមទូរស័ព្ទបើកបម្រើ 24 ម៉ោង - 7 ថ្ងៃ។ ទំនាក់ទំនងតាមទូរស័ព្ទលេខ៖ +855 (0) 23 999 000
ទំនាក់ទំនងមកយើងខ្ញុំផ្ញើសារមកកាន់យើងខ្ញុំ
សូមផ្ញើសំណួររបស់អ្នកមកកាន់យើងខ្ញុំ ដោយគ្រាន់តែបំពេញពាក្យស្នើសុំតាមអនឡាញ។
ពាក្យស្នើសុំសំណួរតាមអនឡាញបញ្ហាសន្តិសុខ
នៅធនាគារ J Trust Royal យើងយកចិត្តទុកដាក់ខ្លាំងទៅលើសន្តិសុខសុវត្ថិភាព។
គ្រប់កាតឥណពន្ធវីសារបស់ធនាគារ J Trust Royal ទាំងអស់របស់យើងសុទ្ធតែមានបង្កប់ប្រព័ន្ធ EMV-Dynamic ផ្ទៀងផ្ទាត់ទិន្នន័យជាមួ Smart Chip ដែលផ្ដល់សុវត្ថិភាពកម្រិតស្តង់ដារពិភពលោក។
យើងខ្ញុំមានប្រព័ន្ធត្រួតពិនិត្យតាមដានការលួចបន្លំជាប្រចាំ ដើម្បីកំណត់សកម្មភាពគួរឱ្យសង្ស័យ និងជួយទប់ស្កាត់មិនឱ្យមានការធ្វើប្រតិបត្តិការធនាគារដែលមិនមានការអនុញ្ញាតឡើយ។ សូមផ្ដល់ព័ត៌មានទំនាក់ទំនងថ្មីរបស់អ្នកមកឱ្យយើងខ្ញុំ ដើម្បីឱ្យយើងខ្ញុំអាចធ្វើការទាក់ទងទៅកាន់អ្នកបានភ្លាមៗ ប្រសិនបើរកឃើញថាមានសកម្មភាពគួរសង្ស័យណាមួយកើតឡើង។
ស្របពេលដែលប្រព័ន្ធរបស់យើងខ្ញុំមានភាពសាមញ្ញក្នុងការប្រើប្រាស់ ឧបករណ៍សេវាកម្មធនាគារឌីជីថលរបស់យើងខ្ញុំក៏មានដាក់បញ្ចូលវិធានការសន្តិសុខជាច្រើនផងដែរ។ យើងខ្ញុំគ្រប់គ្រងបណ្ដាញសន្តិសុខ ប្រើប្រាស់កម្មវិធីរបស់ក្រុមហ៊ុនលក់ដែលមានការអនុម័តជាមួយនឹងទម្លាប់ដាក់លេខកូដសុវត្ថិភាព និងធ្វើតេស្តការលួចចូលជាទៀងទាត់ដោយក្រុមហ៊ុនសន្ដិសុខភាគីទីបី ដើម្បីការពារអតិជនពីការវាយប្រហារដោយមេរោគកុំព្យូទ័រ។
ផ្នែកទំនាក់ទំនងអតិថិជន៖ +855 (0) 23 999 000
សូមទូរសព្ទមកកាន់យើងជាបន្ទាន់ ប្រសិនបើកាតរបស់អ្នកបាត់ ឬត្រូវលួច ឬភ្លេចនៅកន្លែងណាមួយ ឬលេខសម្ងាត់ត្រូវបានគេលួច។ យើងអាចបិទជាបណ្ដោះអាសន្ន ឬលុបចោលជាអចិន្រ្តៃយ៍ចំពោះកាតដែលអ្នកបាត់នោះ និងរៀបចំចេញកាតថ្មីឡើងវិញជូន។