រាជធានីភ្នំពេញ ថ្ងៃទី២៣ ដល់ថ្ងៃទី ២៥ ឆ្នាំ២០២៦ – ធនាគារ ជេ ត្រាស់ រ៉ូយ៉ាល់ មានកិត្តិយសក្នុងការចូលរួមជាមួយថ្នាក់ដឹកនាំក្នុងវិស័យកសិកម្ម ក្នុង “វេទិកា និងពិព័រណ៍កសិកម្មកម្ពុជា ឆ្នាំ២០២៦ (CAFE26)” ដែលបានរៀបចំឡើងជាលើកទី២ ក្រោមកិច្ចសហការរៀបចំដោយក្រសួងកសិកម្ម រុក្ខាប្រមាញ់ និងនេសាទ (MAFF) និងអង្គការស្បៀងអាហារ និងកសិកម្ម (FAO) នៅមជ្ឈមណ្ឌលសន្និបាត និងពិព័រណ៍កោះពេជ្រ (Koh Pich) ដែលជាវេទិកាដ៏សំខាន់សម្រាប់ផ្ដោតលើការផ្លាស់ប្តូរកសិវប្បកម្មក្នុងស្រុក។

វេទិការយៈពេល ៣ ថ្ងៃនេះ ត្រូវបានប្រារព្ធក្រោមអធិបតីភាពរបស់ឥស្សរជនជាន់ខ្ពស់ជាច្រើនរូប រួមមានឯកឧត្តម សុខ ចិន្តាសោភា ឧបនាយករដ្ឋមន្ត្រី តំណាងដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា, ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ, លោកជំទាវ  ចម និមល រដ្ឋមន្ត្រីក្រសួងពាណិជ្ជកម្ម, ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍, ឯកឧត្តម Derek Yip ឯកអគ្គរដ្ឋទូតអូស្ត្រាលីប្រចាំព្រះរាជាណាចក្រកម្ពុជា និងលោកស្រី Rebekah Bell តំណាងអង្គការ FAO ប្រចាំនៅកម្ពុជា។ វត្តមានរបស់ឥស្សរជនជាន់ខ្ពស់ទាំងនេះ បានបង្ហាញពីសារៈសំខាន់ និងភាពចាំបាច់ជាបន្ទាន់ក្នុងការធ្វើទំនើបកម្មវិស័យកសិកម្មនៅកម្ពុជា។ ព្រឹត្តិការណ៍នេះបានទាក់ទាញអ្នកចូលរួមជាង ៣៨,៦២១ នាក់ និងស្តង់ពិព័រណ៍ប្រមាណជាង ៤០០ ដែលមានការចូលរួមពីសហគ្រាសធុនតូច និងមធ្យមក្នុងស្រុក ព្រមទាំងក្រុមហ៊ុនពហុជាតិជាច្រើន។

ធនាគារបានចូលរួម និងបង្ហាញដំណោះស្រាយហិរញ្ញវត្ថុឯកទេស រួមមាន ហិរញ្ញប្បទានពាណិជ្ជកម្ម និង កម្ចីសម្រាប់សហគ្រាសធុនតូច និង​មធ្យម និងសាជីវកម្ម ដំណោះស្រាយហិរញ្ញវត្ថុសម្រាប់ពាណិជ្ជកម្ម និងការនាំចេញ នាំចូល ដែលត្រូវបានរៀបចំឡើងដើម្បីជួយដល់អាជីវករ និងសាជីវកម្ម ក្នុងស្រុក ដើម្បីលើកកម្ពស់សមត្ថភាពកែច្នៃ និងឈានដល់ស្តង់ដារអន្តរជាតិ។

នេះក៏បានឆ្លុះបញ្ចាំងពីការប្តេជ្ញាចិត្តរបស់ធនាគារក្នុងការគាំទ្រវិស័យកសិកម្មកម្ពុជា ពង្រឹងទំនាក់ទំនងជាមួយភាគីពាក់ព័ន្ធសំខាន់ៗ និងផ្តល់អំណាចដល់កសិវប្បកម្មជាមួយនឹងដំណោះស្រាយហិរញ្ញវត្ថុដែលអាចចូលប្រើបាន ដែលជួយពួកគេភ្ជាប់គម្លាតណពីកសិដ្ឋានក្នុងស្រុក ទៅកាន់ទីផ្សារក្នុងប្រទេស និងអន្តរជាតិ។

មិនថាអាជីវកម្មរបស់លោកអ្នកត្រូវការទុនដើម្បីពង្រីកផលិតកម្ម ឬហិរញ្ញប្បទានពាណិជ្ជកម្មដើម្បីពង្រីកទីផ្សារនោះទេ ធនាគារជេ​ ត្រាស់ រ៉ូយ៉ាល់ បានត្រៀមខ្លួនជាស្រេចដើម្បីគាំទ្រដំណើររីកចម្រើនរបស់លោកអ្នក។