កសាងអាជីពក្នុងក្ដីស្រម៉ៃរបស់អ្នក

ជំហានទី 1៖ ដំណើរការដាក់ពាក្យស្នើសុំបម្រើការងារ

មុខតំណែងការងារទំនេរខាងក្រៅទាំងអស់មាននៅក្នុងវែបសាយត៍របស់យើង ហើយអ្នកត្រូវដាក់ពាក្យស្នើសុំបម្រើការងារតាមរយៈវែបសាយត៍ Job Search របស់ធនាគារ J Trust Royal យើង។

នៅពេលបិទឈប់ទទួលពាក្យស្នើសុំបម្រើការងារនោះដំណាក់កាលសម្ភាសន៍តាមខ្សែទូរសព្ទនឹងត្រូវចាប់ផ្ដើមឡើង។

ត្រូវត្រៀមលក្ខណៈឱ្យបានល្អប្រសើរ ដោយសារដំណាក់កាលសម្ភាសន៍តាមទូរសព្ទគឺជាជំហានទីមួយមុនពេលសម្ភាសន៍ផ្ទាល់ចូលមកដល់ ហើយនៅក្នុងកំពុងពេលសម្ភាសន៍ទូរសព្ទនោះ យើងនឹងវាយតម្លៃអំពីជំនាញទំនាក់ទំនង ការលើកទឹកចិត្ត ជាដើម។

ជំហានទី 2៖ ដំណាក់កាលសម្ភាសន៍

ទម្រង់សម្ភាសន៍ទូទៅបំផុតនៅធនាគារ J Trust Royal គឺជាការសម្ភាសន៍សមត្ថភាព។ លោកអ្នកអាចនឹងត្រូវសួរសំណួរដែលផ្អែកលើសមត្ថភាពជាក់លាក់ដែលវាយតម្លៃដោយធនាគារ J Trust Royal។

សំណួរសមត្ថភាព នឹងស្នើសុំឱ្យអ្នកផ្ដល់ឧទាហរណ៍គំរូ និងត្រូវមានទម្រង់ដូចជា៖ ឧទាហរណ៍ "សូមលើកឧទាហរណ៍អំពីពេលមួយដែលអ្នកធ្វើការងារលើគម្រោងមួយដែលមានពេលបរិច្ឆេទកំណត់ខ្លី"

សំណួរសម្ភាសន៍សមត្ថភាព គឺធ្វើតេស្តអ្វីដែលលោកអ្នកបានសិក្សា សម្រេចបាន ឬបានឆ្លងកាត់។ សំណួរទាំងនោះផ្អែកលើការសន្មតិកម្មដែលឥរិយាបទកន្លងមកគឺជាកត្តាវាយតម្លៃដែលអាចទុកចិត្តបំផុតសម្រាប់ឥរិយាបទនៅថ្ងៃអនាគត។ លោកអ្នកអាចស្វែងរកព័ត៌មានបន្ថែមអំពីការសម្ភាសន៍សមត្ថភាពនៅលើអ៊ីនធឺណិត។ ទោះបីយ៉ាងណា គន្លឹះបង្ហាញផ្លូវលឿនសម្រាប់ការឆ្លើយសំណួរអំពីសមត្ថភាពមានដូចខាងក្រោម៖

• ត្រូវចងចាំជានិច្ចថាត្រូវដាក់បញ្ចូលការណែនាំខ្លួនសម្រាប់ជាឧទាហរណ៍។
• ផ្ដល់ព័ត៌មានលម្អិតអំពីរបៀបដែលលោកអ្នកដោះស្រាយស្ថានការណ៍។
• ពន្យល់អំពីមូលហេតុដែលលោកអ្នកធ្វើការជ្រើសរើសការងារនេះ និងរៀបរាប់សង្ខេបអំពីលទ្ធផលឧទាហរណ៍ និងបទពិសោធន៍ដែលបានសិក្សា។

ប្រធានបទផ្សេងទៀតដែលលោកអ្នកអាចគិតថា នឹងមាននៅក្នុងកិច្ចសម្ភាសន៍ផ្លូវការ រូមមានតួនាទី និងទំនួលខុសត្រូវបច្ចុប្បន្នរបស់លោកអ្នក ចំណាប់អារម្មណ៍ និងការលើកទឹកចិត្ត ការជំរុញការងាររយៈពេលខ្លី និងរយៈពេលវែង ភាពខ្លាំង និងភាពខ្សោយរបស់លោកអ្នក និងចំណេះដឹងរបស់លោកអ្នកអំពីតួនាទី និងធនាគារ J Trust Royal ។

ជំហានទី 3៖ ការជ្រើសរើសបេក្ខជន

នៅពេលជ្រើសរើសបានបេក្ខជនដែលពេញចិត្តហើយ ធនាគារ J Trust Royal នឹងទូរសព្ទជូនដំណឹង និងធ្វើការត្រួតពិនិត្យមុនចូលបម្រើការងារ។ នេះគឺជាវិធានចាំបាច់សម្រាប់គ្រប់បុគ្គលិកថ្មីទាំងអស់នៅធនាគារ J Trust Royal និងរួមមាន៖

• លិខិតបញ្ជាក់ទោសទណ្ឌ
• លិខិតថ្កោលទោស (ចេញពីក្រសួងយុត្តិធម៌)
• លិខិតបញ្ជាក់កាយសម្បទា (ចេញពីក្រសួងការងារ)
• លិខិតបញ្ជាក់អត្តសញ្ញាណ
• លិខិតបញ្ជាក់សិទ្ធិស្របច្បាប់ទទួលបានការងារធ្វើ និង
• លិខិតបញ្ជាក់ការងារ

លិខិតបញ្ជាក់ពីតួនាទីជាក់លាក់ក៏អាចត្រូវការផងដែរដោយផ្អែកលើលក្ខខណ្ឌតម្រូវផ្នែកនិយ័តកម្ម និងផ្លូវច្បាប់។

ក្រោយពីធ្វើការត្រួតពិនិត្យចប់សព្វគ្រប់ និងពេញចិត្តហើយ ធនាគារ J Trust Royal នឹងធ្វើការផ្ដល់ជូនការងារតាមលិខិតផ្ដល់ការងារជាលាយលក្ខណ៍អក្សរជូនលោកអ្នក។

ដាក់ពាក្យស្នើសុំបម្រើការងារដែលរឹងមាំ

• រៀបចំប្រវត្តិរូបសង្ខេបច្បាស់លាស់ និងពេញលេញដែល៖
  
  • រៀបរាប់ពីលក្ខណៈពិសេសរបស់លោកអ្នកចំពោះតួនាទី និងមុខតំណែងដែលលោកអ្នកចង់ចាប់អាជីពការងារ។
  • រៀបរាប់ពីបទពិសោធន៍ការងាររបស់អ្នករហូតមកទល់ពេលបច្ចុប្បន្ន (ដោយចាប់ផ្ដើមជាមួយតួនាទីនៅថ្មីបំផុតមុន)។ កុំភ្លេចដាក់បញ្ចូលសមិទ្ធផលការងាររបស់លោកអ្នក ជាជាងគ្រាន់តែរៀបរាប់អំពីទទួលខុសត្រូវរបស់ខ្លួន។
  • រៀបរាប់ពីលក្ខណសម្បត្តិរបស់អ្នក។
• ដាក់ប្រវត្តិរូបសង្ខេបរបស់លោកអ្នកអមជាមួយលិខិតបង្ហាញចំណាប់អារម្មណ៍ការងារដែលណែនាំដោយសង្ខេបអំពីខ្លួនឯង បទពិសោធន៍ការងារពាក់ព័ន្ធ និងមូលហេតុដែលដាក់ពាក្យស្នើសុំបម្រើការងារនោះ។
• ត្រូវប្រើកម្មវិធីប្រកបពាក្យ ឬវចនានុក្រមជានិច្ច។
• ត្រូវរៀបរាប់ព័ត៌មានពិតជាក់ស្ដែង រចនាទម្រង់ឯកសារឱ្យ​មានលក្ខណៈសាមញ្ញ។

ធ្វើឱ្យគេមានចាប់អារម្មណ៍នៅពេលសម្ភាសន៍

ការត្រៀមលក្ខណៈគឺជាជំហានដ៏សំខាន់ដំបូងគេបង្អស់មួយដែលឆ្ពោះទៅរកការសម្ភាសន៍ប្រកបដោយភាពជោគជ័យ។

• ដឹងច្បាស់អំពីទីកន្លែង និងពេលវេលាជាក់លាក់ក្នុងការសម្ភាស ស្គាល់ឈ្មោះពេញរបស់អ្នកសម្ភាសន៍ ហៅឈ្មោះ និងមុខតំណែងរបស់អ្នកសម្ភាសន៍ឱ្យបានត្រឹមត្រូវ
• ត្រូវប្រាកដថាអ្នកបានពិនិត្យមើលអាណត្តិតួនាទី ឬសេចក្ដីពណ៌នាការងារបានយ៉ាងលម្អិត និងមានការយល់ដឹងច្បាស់លាស់អំពីមុខតំណែង តួនាទី និងសមត្ថភាពដែលត្រូវមាន។
• ស្វែងយល់អំពីតម្លៃ ផលិតផល និងសេវាកម្ម ព្រមទាំងការរីកចម្រើននាពេលអនាគតផងដែរ។
• ត្រៀមសំណួរមួយចំនួនដើម្បីសួរនៅពេលសម្ភាសន៍។ ត្រូវចងចាំថា ការសួរសំណួរគឺជាឱកាសដែលលោកអ្នកអាចស្វែងយល់បន្ថែមអំពីមុខតំណែង បរិយាកាសការងារ និងភាពរីកចម្រើន និងការអភិវឌ្ឍសមត្ថភាពនាពេលអនាគត។

គំរូសំណួរមួយចំនួនដែលលោកអ្នកអាចសួរ៖

• តើមានបញ្ហាប្រឈមធំៗអ្វីខ្លះចំពោះតួនាទីនេះ?
• តើខ្ញុំត្រូវធ្វើការងារអ្វីខ្លះក្នុងតួនាទីនេះ?
• តើកត្តាអ្វីខ្លះដែលជួយឱ្យបុគ្គលិកក្នុងផ្នែកនេះទទួលបានភាពជោគជ័យ?
• តើការបណ្ដុះបណ្ដាល និងការអភិវឌ្ឍសមត្ថភាពអ្វីខ្លះដែលខ្ញុំនឹងទទួលបាន ប្រសិនបើខ្ញុំមានភាពជោគជ័យក្នុងតួនាទីនេះ?
• តើគូប្រជែងសំខាន់របស់លោកអ្នកជានរណា ហើយតើលោកអ្នកនឹងញែកខ្លួនលោកអ្នកចេញពីអ្នកទាំងនោះដោយរបៀបណា?
• តើគោលបំណងការងាររបស់អ្នកសម្រាប់ផ្នែកនេះមានអ្វីខ្លះ?

នេះគឺជាចំណុចមួយចំនួនដែលគួរអនុវត្ត និងចំណុចមួយចំនួនដែលអ្នកគួរជៀសវាងនៅពេលលោកអ្នកកំពុងសម្ភាសន៍​៖