JTR Connect

កម្មវិធី JTR Connect គឺជាកម្មវិធីគ្រប់គ្រងសាច់ប្រាក់ និងកម្មវិធីធ្វើប្រតិបត្តិធនាគារសម្រាប់​ពាណិជ្ជកម្ម ជំនួញគ្រប់ជ្រុងជ្រោយដែលផ្ដល់បទពិសោធន៍ធ្វើប្រតិបត្តិការធនាគារតាមអ៊ីនធឺណិតយ៉ាងទំនើបសម្រាប់គ្រប់អតិថិជនសាជីវកម្ម និងអាជីវកម្មទាំងអស់របស់យើង។

កម្មវិធី JTR Connect ផ្ដល់លក្ខណៈពិសេសជាច្រើនដែលមានមុខងារសំខាន់ចំនួនបួន៖

1. សេវាកម្មទូទៅ - ផ្ដល់មុខងារជាក់លាក់ជូនដល់អ្នកប្រើប្រាស់ទាំងអស់ ដូចជា ការចូល ផ្ទាំងបង្ហាញព័ត៌មាន ការរាយការណ៍ ការរៀបចំបាយការណ៍ ការរៀបចំផ្ទៃខាងក្រោយផ្ទាល់ខ្លួន និងឧបករណ៍មិនមានឈ្មោះរបស់លោកអ្នក។
2. សេវាគណនី – រួមមានព័ត៌មានគណនី សេវាលិខិតុបករណ៍ ព័ត៌មានប្រាក់បញ្ញើ និងការកក់ និងការអនុម័ត ក៏ដូចជាស្ថានភាពគណនីផងដែរ។
3. ការទូទាត់ប្រាក់ - រួមមានអ្នកទទួលប្រាក់ ការផ្ទេរ ការដាក់បញ្ចូលឯកសារ លិខិតុបករណ៍​ផ្សេងទៀតដូចជាមូលប្បទានបត្រធនាគារ សេចក្ដីណែនាំអចិន្រ្តៃយ៍ និងប្រតិបត្តិការ និងសកម្មភាពផ្សេងទៀតជាច្រើន។
4. ហិរញ្ញវត្ថុពាណិជ្ជកម្ម - រួមមានប្រតិបត្តិការពាណិជ្ជកម្ម សេវានាំចូលនាំចេញ លិខិតធានា​ធនាគារ កម្ចីពាណិជ្ជកម្ម ការវិភាគពាណិជ្ជកម្ម បណ្ណាល័យ និងសេចក្ដីសង្ខេបសកម្មភាព។

ក្រៅពីស្ដង់ដារតួនាទីអ្នកបង្កើត និងអ្នកត្រួតពិនិត្យ កម្មវិធី JTR Connect គាំទ្រតួនាទីដែលអាច​កំណត់ដោយផ្អែកលើលក្ខណៈជាច្រើនដូចជា៖

• ក្រុមហ៊ុន - កម្រិតក្រុមហ៊ុន ក្រុមហ៊ុនមួយ ឬច្រើន។
• ផលិតផល - ការទទួលបានផលិតផលពីក្រុមហ៊ុន ការទទួលបានផលិតផល និងលំហូរ​ការងារសម្រាប់អ្នកប្រើប្រាស់ម្នាក់។
• គណនី - ការទទួលបានគណនីពីអ្នកប្រើប្រាស់។
• ការកម្រិត - ចំនួនទឹកប្រាក់ប្រចាំថ្ងៃ ការកម្រិតប្រចាំថ្ងៃលើចំនួនប្រតិបត្តិការ។
• កម្រិតជាច្រើននៃការអនុញ្ញាត និងការកម្រិតជាច្រើន។

ដើម្បីប្រើកម្មវិធី JTR Connect សម្រាប់អាជីវកម្មរបស់លោកអ្នក ចាំបាច់លោកអ្នកត្រូវតែជា​អតិថិជនធនាគារ។ លោកអ្នកអាចអញ្ជើញមកដាក់ពាក្យស្នើសុំបើកគណនីអាជីវកម្មបាន​នៅតាម​សាខាធនាគារ J Trust Royal ឬទំនាក់ទំនងមកកាន់ផ្នែកទំនាក់ទំនងអតិថិជនរបស់យើង​តាមរយៈលេខទូរសព្ទ៖ 023 999 000។

លោកអ្នកអាចចូលប្រើកម្មវិធី JTR Connect បានបីរបៀប៖

1. ចុចនៅលើតារាង “Corporate” នៅខាងលើនៃគេហទំព័រធនាគារ J Trust Royal
2. ចុចលើតារាង “Login”​ នៅខាងស្ដាំខាងលើបង្អស់នៃគេហទំព័រធនាគារ J Trust Royal ឬ​
3. បញ្ចូល https://jtronline.jtrustroyal.com នេះទៅក្នុងប្រូសើរអ៊ីនធឺណិតរបស់លោក បន្ទាប់មករក្សាទុកវា​ចូលទៅក្នុង your favourites ដើម្បីងាយចូលប្រើទៅថ្ងៃក្រោយ។

លោកអ្នកអាចចូលប្រើកម្មវិធី JTR Connect ដោយប្រើប្រូសើរអ៊ីនធឺណិតថ្មីណាមួយដូចជា Google Chrome, Internet Explorer និង FireFox ជាដើម។

OTP មកពីពាក្យថាលេខសម្ងាត់តែម្ដង (One-Time Password)។ លេខកូដនេះ គឺជាលេខកូដសុវត្ថិភាព 6 ខ្ទង់​ដែលលោកអ្នកទទួលបានក្នុងទូរសព្ទដែលបានចុះឈ្មោះនៅធនាគារ។ នេះគឺជាវិធានការ​​សុវត្ថិភាពបន្ថែមដើម្បីការពារលោកអ្នកនៅពេលដែលប្រើកម្ម​វិធី JTR Connect។ លេខកូដនេះគឺជា​លេខកូដបណ្ដោះអាសន្នដែលនឹងត្រូវផុតកំណត់ក្នុងរយៈពេល 30 វិនាទីក្រោយពីលោកអ្នក​ទទួលបាន។​

លោកអ្នកចាំបាច់ត្រូវប្រើ OTP សម្រាប់ដូចខាងក្រោម៖

1. នៅពេលលោកអ្នកចូលទៅក្នុងកម្មវិធី JTR Connect លើកដំបូង និងគ្រប់ពេលបន្តបន្ទាប់​មកទៀត
2. នៅពេលលោកអ្នកភ្លេចលេខសម្ងាត់របស់ខ្លួន
3. នៅពេលលេខសម្ងាត់របស់លោកអ្នកផុតសុពលភាព និង
4. នៅពេលអនុញ្ញាតឱ្យមានប្រតិបត្តិការជាអ្នកត្រួតពិនិត្យ

OTP គឺជាការអនុវត្តផ្នែកសុវត្ថិភាពតាមឧស្សាហកម្មជាសកល។ លេខកូដនេះ ជាមធ្យោបាយមានសុវត្ថិភាព​ជាងគេបំផុតដើម្បីធានាការការពារគណនីធនាគារ និងព័ត៌មានផ្ទាល់ខ្លួនរបស់លោកអ្នក​។ វាមានសារៈ​សំខាន់ដែលលោកអ្នកបន្ដចូលក្នុងលិខិតបញ្ជាក់អត្តសញ្ញាណ (credentials) ដូចជា Corporate ID, User ID លេខសម្ងាត់ និង OTP សម្ងាត់របស់លោកអ្នក។ ធនាគារសូមណែនាំថា លោកអ្នក​មិនត្រូវចែករំលែកលេខកូដណាមួយឱ្យសមាជិកគ្រួសារ មិត្តភ័ក្តិ សហការី ឬបុគ្គលិកធនាគារ​ឡើយ។

សូមចុចតំណភ្ជាប់ខាងក្រោមសម្រាប់សំណួរដែលសួរជាញឹកញាប់អំពីលេខកូដសម្ងាត់តែម្ដង (OTPs) បន្ថែម។