សញ្ញាប័ណ្ណ និងលិខិតធានា
បង្ហាញថា លោកអ្នកអាចបំពេញកិច្ចសន្យាមួយដោយប្រើសញ្ញាប័ណ្ណ និងលិខិតធានា
តើអាជីវកម្មរបស់លោកអ្នកត្រូវការសញ្ញាប័ណ្ណ និងលិខិតធានាសម្រាប់កិច្ចសន្យា ឬសម្រាប់ចុះប្រតិបត្តិការអាជីវកម្មផ្សេងទៀតដែរឬទេ?
ផលិតផលលិខិតធានាធនាគារJ Trust Royal ត្រូវបានបង្កើតឡើងដើម្បីបំពេញតាមតម្រូវការរបស់លោកអ្នកគ្រប់ស្ថានការណ៍ទាំងអស់ ។
យើងផ្ដល់ជូនលិខិតធានាហិរញ្ញវត្ថុ សញ្ញាប័ណ្ណដេញថ្លៃ សញ្ញាប័ណ្ណបំពេញការងារ សញ្ញាប័ណ្ណសម្រាប់ការទូទាត់មុន។
អត្ថប្រយោជន៍នៃផលិតផលរបស់យើង
ផលិតផលលិខិតធានារបស់យើង៖
- បន្ថយការប្រើប្រាស់សាច់ប្រាក់ និងធ្វើអោយទុនបង្វិលរបស់លោកអ្នកមានភាពប្រសើរឡើង។
- ផ្តល់ទំនុកចិត្តដល់ភាគីដែលជាដៃគូជំនួញ និងបង្ហាញថាក្រុមហ៊ុនរបស់លោកអ្នកជាក្រុមហ៊ុនដែលគួរអោយទុកចិត្តបាន ហើយមានសមត្ថភាព និងជំនាញក្នុងការបំពេញការងារដែលផ្តល់ជូន ឬក៏មានលទ្ធភាពដែលអាចចុះកិច្ចសន្យាគម្រោងនានាបាន។
- ធានានូវរាល់ការទូទាត់ប្រាក់ជូនអ្នកទទួលផល (ភាគីចុះកិច្ចព្រមព្រៀងជាមួយ) ក្នុងលក្ខខណ្ឌដែលភាគីម្ខាងមិនគោរពតាមកិច្ចព្រមព្រៀង។
- ជាមួយនឹងសេវាភ្លាមៗ និងចេញសញ្ញាប័ណ្ណជូនភ្លាមៗ (ក្នុងកាលៈទេសៈខ្លះ សញ្ញាប័ណ្ណអាចចេញជូនក្នុងថ្ងៃតែមួយនៃថ្ងៃដាក់ពាក្យស្នើសុំ)។
- ផ្ដល់ជូនជាប្រាក់ដុល្លារអាមេរិក និងប្រាក់រៀល។
- មានជាភាសាខ្មែរ និងភាសាអង់គ្លេស។
- ការអនុម័តផ្តល់ឥណទាន គឺអាស្រ័យលើការវាយតំលៃហានិភ័យធម្មតារបស់ធនាគារ។
លិខិតធានាហិរញ្ញវត្ថុធនាគារ J Trust Royal
លិខិតធានាហិរញ្ញវត្ថុគឺជាកិច្ចព្រមព្រៀងដោយធនាគារ J Trust Royal ក្នុងការទូទាត់ប្រាក់ក្នុងចំនួនជាក់លាក់ណាមួយទៅឱ្យភាគីទីបី (អ្នកទទួលខុសត្រូវ) ជំនួសឱ្យអតិថិជន។ ការអនុវត្តបែបនេះអាចឱ្យអតិថិជនយើងចុះកិច្ចសន្យាហិរញ្ញវត្ថុដោយមិនចាំបាច់ត្រូវការចំណាយសាច់ប្រាក់ (ឬទ្រព្យធានា) ដើម្បីបំពេញតាមលក្ខខណ្ឌដែលចែងក្នុងកិច្ចសន្យាពាណិជ្ជកម្ម ឬកិច្ចសន្យាហិរញ្ញវត្ថុ។
សញ្ញាប័ណ្ណដេញថ្លៃ
នេះគឺជាការអនុវត្តការងារទូទៅនៅពេលដេញថ្លៃគម្រោងទុនបង្វិលធំៗសម្រាប់អ្នកស្នើសុំដេញថ្លៃដែលទទួលបានការគាំទ្រពីធនាគារ J Trust Royal អាចផ្ដល់សញ្ញាប័ណ្ណដេញថ្លៃដែលបង្ហាញពីសមត្ថភាពរបស់ក្រុមហ៊ុនដាក់ពាក្យក្នុងការបំពេញការងារដែលបានដេញថ្លៃនោះ។
សញ្ញាប័ណ្ណបំពេញការងារ
គម្រោងទុនបង្វិលភាគច្រើនដែលដាក់ឱ្យអ្នកដេញថ្លៃ តម្រូវឱ្យអ្នកដេញថ្លៃដែលទទួលបានជោគជ័យដាក់សញ្ញាប័ណ្ណបំពេញការងារក្រោយពីទទួលបានកិច្ចសន្យា។ សញ្ញាប័ណ្ណបំពេញការងារគឺជាការបង្ហាញថា ក្រុមហ៊ុនដាក់ពាក្យមានជំនាញ និងសមត្ថភាពចាំបាច់ក្នុងការបំពេញការងារតម្រូវ និងអនុលោមតាមខ និងលក្ខខណ្ឌដែលបានឯកភាពគ្នានៅក្នុងកិច្ចសន្យា។ ធនាគារ J Trust Royal អាចជួយលោកអ្នកជាមួយតម្រូវការសញ្ញាប័ណ្ណបំពេញការងារនេះបាន។
សញ្ញាប័ណ្ណសម្រាប់ការទូទាត់ជាមុន
ការទូទាត់ជាមុនគឺជាលក្ខណៈពិសេសទូទៅនៃកិច្ចសន្យានៅតាមវិស័យជាច្រើនផ្សេងៗ ជាពិសេសក្នុងវិស័យសំណង់។ សញ្ញាប័ណ្ណសម្រាប់ការទូទាត់ជាមុនដែលចេញដោយធនាគារ J Trust Royal គឺជាអ្នកធានាដែលថាការទូទាត់ជាមុនរបស់អ្នកទិញ/អតិថិជននឹងនឹងប្រគល់ត្រឡប់ទៅវិញ ប្រសិនបើអ្នកលក់/អ្នកម៉ៅការមិនបានបំពេញតាមកាតព្វកិច្ចរបស់ខ្លួនពាក់ព័ន្ធនឹងការប្រគល់ទំនិញ ឬសេវាកម្មជូនអ្នកទិញ/អតិថិជន។ ធនាគារ J Trust Royal អាចជួយលោកអ្នកបានជាមួយតម្រូវការទូទាត់ជាមុននេះ។