ធនាគារ ជេ ត្រាស់ រ៉ូយ៉ាល់ និងក្រុមហ៊ុនធានារ៉ាប់រងអាយុជីវិត FWD Cambodia ក្លាយជាដៃគូលើប្រព័ន្ធទូទាត់ចំណាយ
១ សីហា ២០២២
ធនាគារ ជេ ត្រាស់ រ៉ូយ៉ាល់ និងក្រុមហ៊ុនធានារ៉ាប់រងអាយុជីវិត FWD Cambodia ក្លាយជាដៃគូលើប្រព័ន្ធទូទាត់ចំណាយ
ធនាគារ ជេ ត្រាស់ រ៉ូយ៉ាល់ និងក្រុមហ៊ុន FWD Cambodia បានប្រកាសជាផ្លូវការពីភាពជាដៃគូលើប្រព័ន្ធទូទាត់ចំណាយរវាងប្រព័ន្ធស្នូលរបស់ធនាគារ (Core Banking System) ជាមួយនឹង Enterprise Resources Planning (“ERP”) របស់ក្រុមហ៊ុន FWD Cambodia តាមរយៈបណ្តាញផ្ទេរទិន្នន័យដែលមានសុវត្ថិភាព (Secure File Transfer Protocol - sFTP) សម្រាប់ការគ្រប់គ្រងទូទាត់ចំណាយ ដែលជាផ្នែកមួយនៃ Corporate Connect Solutions (“CCS”) របស់ធនាគារ ជេ ត្រាស់ រ៉ូយ៉ាល់។
ការភ្ជាប់ប្រព័ន្ធទាំងពីរនេះ មានគោលបំណងជួយឱ្យការគ្រប់គ្រងទិន្នន័យកាន់តែមានប្រសិទ្ធភាព ក៏ដូចជាជួយសម្រាលបន្ទុករបស់ក្រុមការងារផងដែរ។ គម្រោងនេះ គឺជាកិច្ចសហការរវាងធនាគារ ជេ ត្រាស់ រ៉ូយ៉ាល់ និងក្រុមហ៊ុន FWD Cambodia ដើម្បី ឆ្ពោះទៅរកភាពងាយស្រួលក្នុងការទូទាត់ចំណាយដោយប្រើប្រាស់បច្ចេកវិទ្យាទំនើប។
លោក ចាន់ រដ្ឋា អគ្គនាយកនៃក្រុមហ៊ុន FWD Cambodia មានប្រសាសន៍ថា៖ “ខ្ញុំពិតជាមានមោទនភាព ចំពោះកិច្ចខិតខំប្រឹងប្រែងរួមគ្នារវាងក្រុមការងាររបស់ FWD Cambodia ក៏ដូចជាក្រុមការងារធនាគារ ជេ ត្រាស់ រ៉ូយ៉ាល់ ក្នុងការចាប់ដៃគូលើប្រព័ន្ធទូទាត់ចំណាយនេះ។ ដំណោះស្រាយបែបឌីជីថលនេះ បានជួយសម្រួលដំណើរការ និងផ្ដល់បទពិសោធន៍ល្អសម្រាប់ក្រុមការងារ និងដៃគូ។ អាជីវកម្មរបស់យើងក្នុងការទូទាត់ចំណាយ។ ការបន្តពង្រឹងទំនើបកម្ម និងបច្ចេកវិទ្យាថ្មីៗរបស់ធនាគារ ជេ ត្រាស់ រ៉ូយ៉ាល់ ដើរស្របគ្នាទៅនឹងចក្ខុវិស័យរបស់យើង ក្នុងការផ្ដល់បទពិសោធន៍ថ្មីលើសេវាធានារ៉ាប់រងជូនដល់អតិថិជន”។ |
លោក Toru Myochin អគ្គនាយកប្រតិបត្តិនៃធនាគារ ជេ ត្រាស់ រ៉ូយ៉ាល់ បានថ្លែងអំណរគុណយ៉ាងជ្រាលជ្រៅ ចំពោះក្រុមហ៊ុន FWD Cambodia ដែលបានជ្រើសយក ធនាគារ ជេ ត្រាស់ រ៉ូយ៉ាល់ ជាដៃគូសម្រាប់ប្រព័ន្ធទូទាត់ចំណាយនេះ ដែលនេះបានបញ្ជាក់យ៉ាងច្បាស់អំពីការជឿជាក់ និងទំនុកចិត្តរបស់ក្រុមហ៊ុន FWD Cambodia មកលើធនាគារជេ ត្រាស់ រ៉ូយ៉ាល់។ យើងជឿជាក់យ៉ាងមុតមាំថា អ្នកផ្ដល់សេវាកម្ម និងដៃគូទាំងអស់របស់ FWD Cambodia អាចទទួលបានអត្ថប្រយោជន៍ពីប្រព័ន្ធគ្រប់គ្រងការទូទាត់ចំណាយនេះផងដែរ។ |
លោក Toru Myochin ក៏មានប្រសាសន៍បន្ថែមទៀតថា៖ “ធនាគារ ជេ ត្រាស់ រ៉ូយ៉ាល់ នៅតែបន្តវិនិយោគទៅលើផ្នែកឌីជីថលនៅក្នុងទីផ្សារកម្ពុជា។ នេះ រួមបញ្ចូលទាំងបច្ចេកវិទ្យាដែលជួយសម្រួលដំណើរការផ្លាស់ប្តូរទិន្នន័យសម្រាប់ការទូទាត់តាមស្តង់ដាររវាងប្រព័ន្ធ ERP របស់អតិថិជន និងប្រព័ន្ធធនាគារស្នូលរបស់យើងដែលប្រព្រឹត្តទៅបានដោយស្វ័យប្រវត្តិ។ ធនាគារបានដាក់ដំណើរការជាផ្លូវការ នូវបណ្តាញទូទាត់តាមរយៈ Corporate Connect Solutions នៅដើមឆ្នាំនេះ ដែលក្នុងនោះរួមមាន Swift FIN/MT101 Swift FileAct និងsFTP។ ធនាគារ ជេ ត្រាស់ រ៉ូយ៉ាល់ មានសេចក្តីសោមនស្ស ដែលមានលទ្ធភាពនាំយកបច្ចេកវិទ្យាគ្រប់គ្រងសាច់ប្រាក់ស្តង់ដាររបស់ធនាគារអន្តរជាតិ មកកាន់ទីផ្សារធនាគារនៅកម្ពុជា ដើម្បីគាំទ្រសាជីវកម្មជាតិ និងអន្តរជាតិ។
សម្រាប់ព័ត៌មានបន្ថែម សូមទាក់ទងប្រធានផ្នែកលក់ ឬប្រធានផ្នែកទំនាក់ទំនងនៃផ្នែកប្រតិបត្តិការពាណិជ្ជកម្ម ឬទាក់ទងមកកាន់លេខទូរសព្ទ 023 999 255 ក្នុងម៉ោងធ្វើការ។