ធនាគារ ជេ ត្រាស់ រ៉ូយ៉ាល់ បានចុះហត្ថលេខាលើអនុស្សរណៈនៃការយោគយល់គ្នា ជាមួយ សមាគមកាយឫទ្ធិនារីកម្ពុជា
០៧ កុម្ភៈ ២០២៣
ធនាគារ ជេ ត្រាស់ រ៉ូយ៉ាល់ បានចុះហត្ថលេខាលើអនុស្សរណៈនៃការយោគយល់គ្នា ជាមួយ សមាគមកាយឫទ្ធិនារីកម្ពុជា ក្នុងកិច្ចសហប្រតិបត្តិការ លើកកម្ពស់ចំណេះដឹងផ្នែកហិរញ្ញវត្ថុ និងការតម្រង់ទិសការងារ។ តាមរយៈកិច្ចសហប្រតិបត្តិការនេះ ធនាគារ ជេ ត្រាស់ រ៉ូយ៉ាល់ នឹងផ្តល់ធនធានមនុស្សជាគ្រូបង្គោល សម្រាប់ការចែករំលែកចំណេះដឹងផ្នែកហិរញ្ញវត្ថុ និងជំនួយបច្ចេកទេស សម្រាប់ការតម្រង់ទិសការងារ ដល់ក្រុមគោលដៅដែលកំណត់ដោយសមាគម។
ការចុះហត្ថលេខានេះ ត្រូវបានធ្វើឡើងនៅការិយាល័យកណ្តាល ធនាគារ ជេ ត្រាស់ រ៉ូយ៉ាល់ ក្រោមអធិបតីភាពរបស់ លោកស្រី ឆូវ ផល្លី អគ្គស្នងការរង នៃ សមាគមកាយឫទ្ធិនារីកម្ពុជា និង លោក Makoto Kurokawa នាយកប្រតិបត្តិរង នៃធនាគារ ជេ ត្រាស់ រ៉ូយ៉ាល់ ។